Hatinggabi

Hatinggabi nang magsiping
ang liwanag at ang dilim.
Madaling araw umahon
ang supling nilang maghapon.

Kaluskos nang magsimula,
halinghing nang pumagitna.
Sa pagsapit ng umaga,
nalibing na rin ang nasa.

Umismid ang mutya ko
sa kulay gabing pagsamo.
Ngingiti at ngingiti rin
sa halik kong mapaglihim.

Pagsapit ng paghahati
ng hapdi at ng kilititi,
sisigaw ang luwalhati
ng pinapag-isang mithi.

Hatinggabi nang magsiping-
pagnanasa nating lihim.
Madaling araw bumangon
ang suyuang itatapon.